Os veciños e veciñas de Cambre xa poden apuntarse na nova convocatoria da Escola de Actividades Físicas e da Saúde. A oferta inclúe propostas para todas as idades, e desenvolverase entre xaneiro e decembro de 2023 (salvo nos meses de xullo e agosto). O concelleiro de Deportes e Xuventude, Daniel Mallo, explica que “con esta iniciativa buscamos continuar estimulando un estilo de vida máis saudable entre a cidadanía, achegándolles e dándolles a coñecer diferentes prácticas deportivas”.

A nova convocatoria das Escolas de actividades físicas e de saúde incluirá as seguintes propostas:

• Ioga: luns e mércores de 18.45 a 19.45 horas no ximnasio Óliver Díaz Docando.
• Taichi: martes e xoves de 20.30 a 21.30 horas no ximnasio Óliver Díaz Docando.
• Relaxación O Graxal: luns e mércores de 19.00 a 20.00 horas no centro sociocultural O Graxal.
• Relaxación A Barcala: martes e xoves de 19.00 a 20.00 horas no centro sociocultural A Barcala.
• Tenis Brexo: martes, de 21.00 a 22.00 horas, e sábados de 13.00 a 14.00 horas, no polideportivo Bernardo Bish.
• Ximnasia de mantemento de Cambre: luns, mércores e venres de 18.15 a 19.15 horas no pavillón Sofía Toro.
• Ximnasia de mantemento Brexo: luns, mércores e venres de 19.30 a 20.30 horas no polideportivo Bernardo Bish.
• Ximnasia de mantemento O Temple: luns, mércores e venres de 21.00 a 22.00 horas no polideportivo de O Temple.
• Ximnasia de mantemento Os Campóns: luns, mércores e venres de 19.30 horas a 20.30 horas no pavillón Os Campóns.
• Ximnasia de mantemento para a 3ª idade O Temple: luns e mércores de 11.00 a 12.00 horas no centro da 3ª idade de O Temple.
• Ximnasia de mantemento para a 3ª idade Cecebre: martes e xoves de 17.30 a 18.30 horas no local social de Lendoiro.
• Ximnasia de mantemento para a 3ª idade de Meixigo: martes e xoves de 11.00 a 12.0 horas na Casa do Pobo.
• Ximnasia de mantemento para a 3ª idade de Santa María de Vigo: luns e mércores de 17.15 a 18.15 horas no centro da 3ª idade de Santa María de Vigo.

O período de inscrición estará aberto ata o 16 de decembro. As solicitudes poderán tramitarse nos rexistros do Concello (con cita previa) ou a través da sede electrónica.

As actividades cun mínimo de persoas participantes comezarán o 9 de xaneiro, manténdose aberta a inscrición ás Escolas durante todo o ano.