O Concello lanza, un ano máis, o seu programa de actividades de verán, co que busca promover hábitos de vida saudables entre os veciños e veciñas do municipio. A nova convocatoria incluirá clases de patinaxe, actividades nos parques biosaudables, tenis, campamento de actividades na natureza, cursos de equitación e de piragüismo. O concelleiro de Deportes e Xuventude en funcións, Daniel Mallo, explica que estas propostas perseguen un claro obxectivo: “queremos seguir promovendo a práctica deportiva e a adopción dun estilo de vida máis saudable entre a veciñanza”.
A proposta deportiva de 2023 contará coas seguintes actividades:
- Patinaxe. Será na pista polideportiva de Pravio e ofreceranse vinte prazas para nenos e nenas nacidos entre o 2014 e o 2019. As clases levaranse a cabo os luns, mércores e venres do mes de xullo de 19.00 a 20.00 horas.
- Actividades nos parques biosaludables para que os usuarios e usuarias destas instalacións aprendan a utilizar correctamente os diferentes apartados. Levaranse a cabo tanto en xullo como en agosto e serán gratuítas.
o O Temple: martes e xoves de 11.00 a 12.00 horas
o Sigrás: martes e xoves de 9.30 a 10.30 horas
o Cambre: martes e xoves de 11.00 a 12.00 horas
o Andeiro: martes e xoves de 20.30 a 21.30 horas
o Anceis: de luns a mércores de 20.00 a 21.00 horas
o Pravio: martes e xoves de 20.00 a 21.00 horas
o A Barcala: martes e xoves de 9.30 a 10.30 horas
- Tenis. Os cursos, dirixidos a maiores de 6 anos, realizaranse en dúas quendas ao longo do verán. O primeiro, no polideportivo da urbanización A Barcala o 1, 4, 5, 6, 7, 11, 12, 13, 14 e 15 de xullo de 11.30 a 12.30 horas. O segundo levarase a cabo na pista de tenis municipal da urbanización Castros do Bosque os días 18, 19, 20, 21, 22, 26, 27, 28 e 29 de xullo de 12.00 a 13.00 horas.
- Campamento de actividades na naturaleza “Convive co mundo cabalar”. Haberá dúas quendas: a primeira para os nados entre o 2015 e o 2019 que terá do 31 de xullo ao 4 de agosto (de 9.00 a 14.00 horas), e a segunda para os nenos nados entre do 2014 ao 2011 que se celebrará os días 7, 8, 9, 10 e 11 de agosto (de 9.00 a 14.00 horas).
- Cursos de equitación no Centro Pinteño. Ao longo do verán faranse dúas quendas dirixidas a nenos e nenas nacidos do 2005 ao 2015. O primeiro realizarase o 4, 5, 6, 7, 11, 12, 13 e 14 de xullo. A segunda quenda será os días 18, 19, 20, 21, 26, 27 e 28 de xullo. As sesións levaranse a cabo de 17.00 a 18.00 horas.
- Curso de piragüismo (para maiores de 9 anos). Organizaranse dúas quendas entre xullo e agosto. O primeiro levarase a cabo a segunda quincena de xullo (oito días) e o segundo terá lugar a primeira quincena de agosto (ofrecendo tamén oito días). En ambos os casos o Club Náutico de Cambre será o espazo no que terán lugar as actividades.
O prazo de inscrición estará aberto desde o luns, 5 de xuño, ata o día 16 (ambos os dous incluídos). As persoas interesadas poderán tramitar estas solicitudes nos rexistros municipais ou na sede electrónica.
