A próxima semana retomaranse os traballos de poda na Estrada de Estación DP-1702, concretamente na contorna da estación de tren cambresa.

Isto provocará o desvío de tráfico na zona, quedando temporalmente indicado que os vehículos pesados deberán transcorrer pola zona do Mesón Vasco AC-214 e os lixeiros pola urbanización Arrigada. Os autobuses da liña regular e os de servizo escolar terán o paso autorizado, non ocasionando ningún inconveniente no percorrido habitual.

Segundo as primeiras indicacións, as obras poderían prolongarse durante toda a semana, en horario de 8:30 a 15:30 horas.

A súa vez, os labores ocasionarán tamén restricións temporais no estacionamento desta zona.