A canción de autor e o fado terán un gran protagonismo durante esta semana. O Concello celebrará, tanto o venres como o domingo, dous concertos con grandes expoñentes destes xéneros musicais e que levarán a cabo a través da Rede Cultural da Deputación da Coruña.

O venres, 29 de setembro (21.00 horas), o Parque da Igrexa acollerá o primeiro dos recitais. Este estará a cargo do cantante, César de Centi, que actuará acompañado por David Taboada ao piano e por outros artistas invitados.

O domingo, 1 de outubro (18.00 horas), as inmediacións do local social de Andeiro servirán de escenario para a actuación Mais um copinho. Trátase dun espectáculo no que Juan Vázquez (voz), Pablo Balseiro (guitarra española) e Álvaro Díaz (guitarra acústica) interpretarán algunhas das pezas máis representativas do fado. Desta forma, durante o concerto soarán versións de Amalia Rodríguez, Mariza, Dulces Pontes e Misia, entre outras.