O Servizo Municipal de Emerxencias de Cambre rescatou, esta semana, a un can que caera á ría do Temple . O animal quedara atrapado nunha zona de silvas da que non podía zafarse.

A intervención produciuse despois de que a agrupación recibise a chamada da propietaria do animal. Nela, informábase de que o can caera nunha zona de herbas na ría do Temple da que non podía saír en por si mesmo. 

Finalmente, un membro do Servizo de Emerxencias desprazouse ata o lugar e descendeu por unha escaleira para acceder ao sitio no que se achaba o animal.