Cambre é, desde fai máis de tres décadas, a capital do rock. Oito grupo locais, galegos e autonómicos encargaranse de confirmalo hoxe no XXXII Rock in Cambre. Este ano, Carlos Tarque & La Asociación del Riff, Sexy Zebras, Aphonnic, Bestas, Recambios Tucho, Inadaptados, Sin City Devils e Los Gremlins subiranse ao escenario atraendo ao Campo da Feira por centos de devotos deste xénero musical, en xeral, e do festival cambrés, en particular.
Unha das principais novidades desta edición será a aposta do goberno por impulsar, aínda máis, as actuacións dos grupos de Cambre. Noutras ocasións, as bandas cambresas eran as primeiras en actuar, dando paso, a continuación, ás formacións autonómicas e nacionais. En contrapartida, o equipo de goberno decidiu variar esta orde, intercalando as actuacións para que os músicos cambreses poidan tocar tamén naquelas horas nas que se prevé unha maior afluencia de público. A orde será o seguinte:
- Los Gremlins: 18.15 horas
- Bestas: 19.15 horas
- Inadaptados: 20.30 horas
- Aphonnic: 21.35 horas
- Carlos Tarque & La Asociación del Riff: 23.00 horas
- Sexy Zebras: 1.00 horas
- Sin City Devils: 2.30 horas
- Recambios Tucho: 3.25 horas
