As camisetas do Rock in Cambre convertéronse nun auténtico obxecto de colección. Despois de tres décadas, son moitos os veciños e veciñas que conservan o deseño de cada ano. Desde hoxe, os devotos do festival terán ocasión de conseguir a da trinta e unha edición. As persoas interesadas poderán compralas no Museo Arqueolóxico de Cambre ou, se o prefiren, o propio sábado, 5 de agosto, durante os concertos.

A venda estará dispoñible no Museo Arqueolóxico hoxe, xoves 3 de agosto, de 18.00 a 20.00 horas. O venres, 4 de agosto, o horario será de 11.00 a 14.00 horas e de 18.00 a 20.00 horas. Por último, o sábado atenderase de 11.00 a 14.00 horas no Museo e, ademais, haberá unha caseta no propio Rock in Cambre (dispoñible de 19.00 a 1.00 horas).

Tendo en conta a demanda doutras edicións, confeccionáronse modelos para nenos e nenas de entre 5 e 14 anos. No caso dos adultos, as tallas irán desde a S ata a XXXL. O prezo será de 5 euros.