Cambre despedirá setembro coa celebración de dúas actividades dirixidas a mozas de entre 12 e 30 anos. A través do programa Por fin é venres! da Oficina Municipal de Información Xuvenil (OMIX Cambre), os mozos e mozas poderán gozar dun taller de elaboración de pizzas e dunha tarde de xadrez.

Por unha banda, Casa Arrigada acollerá este venres, 29 de setembro, de 18.00 a 20.00 horas un taller de elaboración de pizza. Nel, as persoas participantes aprenderán a cociñar esta delicia italiana en tixola. Polo outro, Casa das Palmeiras será o lugar no que se celebrará a tarde de xadrez (venres, 29 de setembro, tamén de 18.00 a 20.00 horas).

O prazo de inscrición para ambas as actividades xa está aberto. As persoas interesadas poderán anotarse a través do formulario web.