Os nenos e nenas de Cambre prepáranse para recibir este domingo, 5 de xaneiro, a visita dos Reis Magos. Pola mañá realizarán o tradicional percorrido matinal polas parroquias do rural, mentres que pola tarde terá lugar a clásica cabalgata por O Temple, A Barcala e Cambre.

O circuíto matinal empezará ás 9:00 horas desde o Castro do Bosque. Desde este punto as súas Maxestades de Oriente comezarán un percorrido con parada nalgúns puntos de referencia de cada zona.

Xa pola tarde levarase a cabo a cabalgata, que percorrerá tanto O Temple como A Barcala e Cambre.

A saída en O Temple está prevista para as 17:00 horas desde o CEIP Portofaro. O último punto do itinerario será a rúa Eduardo Pondal, desde onde os Reis irán ao pavillón O Graxal para ser recibidos polos máis pequenos e pequenas.

A partir das 19:00 horas iniciarán o segundo percorrido, esta vez para visitar algunhas rúas da Barcala antes de dirixirse a Cambre. A chegada a este punto está prevista ás 19:45 horas aproximadamente. A recepción será no pavillón Sofía Toro.

Todos os horarios son aproximados, xa que causas alleas á propia organización poden ocasionar retrasos puntuais.

En caso de que as condicións meteorolóxicas adversas impidan a saída da cabalgata, realizaranse as recepcións reais no pavillón do Graxal, de 17:00 a 19:00 horas, e no Sofía Toro, de 18:00 a 20:00 horas.

En ambas recepcións os nenos e nenas poderán formular os seus desexos aos monarcas e, ademais, recibirán un boleto para participar nun sorteo. Rifaranse dúas bicicletas e dous patinetes entre as dúas recepcións. Os gañadores anunciaranse a través das redes sociais municipais.