O Concello de Cambre publica toda a información relativa ao programa de conciliación Xogando no Nadal 2024.

Xogando no Nadal levarase a cabo no CEIP Wenceslao Fernández Flórez. En canto ás datas, ofreceranse dúas quendas de participación. A primeira terá lugar os días 23, 24, 26 e 27 de decembro, mentres que a segunda inclúe os días 30 e 31 de decembro e o 2, 3, e 7 de xaneiro. Neste senso, as familias poderán optar por inscribir aos seus fillos e fillas nunha ou nas dúas quendas.

Os veciños e veciñas poderán presentar a súa solicitude do 4 ao 11 de decembro -ambos incluídos- a través da Sede electrónica ou dos rexistros de entrada do Concello.

Información xeral programa Xogando no Nadal 2024

Solicitude de inscrición programa Xogando no Nadal 2024

Autorización renda programa Xogando no Nadal 2024

 Listado inicial de admitidos e servizos no campamento urbano de Xogando no Nadal 2024