Sementeira reunirá a decenas de músicos das Mariñas e do Baixo Miño no seu VIII Encontro de Grupos Tradicionais

15 Mar 2024

Sementeira Cambre reunirá mañá, sábado 16 de marzo, a unha importante representación de músicos procedentes das Mariñas e do Baixo Miño. Farao coa organización do VIII Encontro de Grupos Tradicionais, que se levará a cabo no auditorio do Conservatorio de Culleredo ás 20.00 horas. 

Nesta ocasión, a agrupación cambresa contará coa colaboración de Treboada Baixo Miño. Como explican desde Sementeira, a cooperación deste grupo achegará “sonoridades e músicas diferentes á programación habitual do evento”. A maiores, o público poderá gozar da música das agrupacións convidadas nesta oitava edición: Rueiriños de Nós, Barallocas da A.C. Amanexo. O acceso ao concerto é libre ata completar o aforo do recinto.

 

 

Tamén che pode interesar