Por un lado, Casa das Palmeiras acollerá a tarde de videoxogos, na que os máis xóvenes poderán presumir das súas destrezas nos mandos da Wii e a Xbox. En paralelo, Casa Arrigada será o escenario no que se levará a cabo a competición de tenis de mesa.
A programación de novembro continuará as próximas semanas. Así, o venres, 17 de novembro, os mozos e mozas poderán participar nunha tarde de rol en vivo na Casa das Palmeiras (18.00 horas) ou nun taller de baile en Arrigada (18.00 horas).
O programa concluirá o venres, 24 de novembro, cunha actividade para confeccionar imáns contra a violencia de xénero (Casa das Palmeiras) e cun escape-room relacionado tamén con esta xornada conmemorativa na Casa Arrigada.
As actividades son gratuitas e están dirixidas a mozos e mozas de entre 12 e 30 anos. As persoas interesadas poderán inscribirse a través da páxina web omix.cambre.es .
