Ugly Kid Joe, Sex Museum, Bala, Os Rastreros e ITH. Esa é a listaxe de grupos que o Concello propón para celebrar o XXXI festival Rock in Cambre. O Concello acaba de sacar a licitación a contratación artística da trixésimo primeira edición, que terá lugar o sábado, 5 de agosto.

Os concertos levaranse a cabo durante a madrugada do sábado, entre as 22.00 e as 04.00 horas, aproximadamente. Está previsto que se suban ao escenario tres grupos locais que actuarán de 19.00 a 21.45 horas. A continuación, será a quenda das cinco bandas restantes, procedentes do panorama rockeiro a nivel galego, nacional e internacional.

A trinta e unha edición alongará a lenda deste festival, un dos de maior traxectoria na comarca e todo un referente a nivel autonómico dentro do xénero.

A intención do Concello é que Ugly Kid Joe encabece o cartel da XXI edición. De conseguilo, Cambre sería unha das dúas únicas paradas que o grupo ofrecerá en España. A banda, natural de Estados Unidos, é todo un referente, interpretando numerosos temas pertencentes ao hard rock, funk metal, grunge, rock alternativo e heavy metal. No seu repertorio, destacan temas como Everything about you, Cats in the Cradle ou Neighbor.

Do panorama nacional, o Rock in Cambre ofrecerá a actuación de Sex Museum. A banda madrileña subirase ao escenario para interpretar algúns dos seus clásicos, como I enjoy the forbiden ou Two sisters. O festival contará tamén con representación da terra. Así, nesta edición actuarán Bala, Os Rastreros e ITH.