Cambre pechou a primeira votación da historia da Gala do Deporte asinando un éxito de participación: foron uns 2.000 os veciños e veciñas que emitiron os seus votos nalgunha das 17 categorías abertas á participación cidadá. Así o confirmou, esta mañá, o concelleiro de Deportes e Xuventude, Daniel Mallo, indicando que se trata dunha novidade “con respecto a outras edicións da cita, e coa que queriamos darlle aos clubs, entidades deportivas e á cidadanía en xeral un papel máis participativo”. O edil considera que estas cifras “confirman a boa acollida que tivo esta medida”.
A IV Gala do Deporte levarase a cabo o venres, 25 de novembro, na Facultade de Ciencias do Deporte e a Educación Física. Dos 21 premios que se entregarán, as votacións populares servirán para outorgar estes recoñecementos:
- Mellor deportista cambresa, categoría base (nadas entre os anos 2006-2014) deporte individual.
- Mellor deportista cambresa, categoría base (nadas entre os anos 2006-2014) deporte colectivo.
- Mellor deportista cambrés, categoría base (nacidos entre os anos 2006-2014) deporte individual.
- Mellor deportista cambrés, categoría basee (nados entre os anos 2006-2014) deporte colectivo.
- Mellor deportista cambresa, categoría absoluta (nadas en 2005 ou anteriores) deporte individual.
- Mellor deportista cambresa, categoría absoluta (nadas en 2005 ou anteriores) deporte colectivo.
- Mellor deportista cambrés, categoría absoluta (nadas en 2005 ou anteriores) deporte individual.
- Mellor deportista cambrés, categoría absoluta (nadas en 2005 ou anteriores) deporte colectivo.
- Mellor equipo cambrés feminino.
- Mellor equipo cambrés masculino.
- Deportista cambresa máis querida.
- Deportista cambrés máis querido.
- Mellor promesa cambresa.
- Mellor promesa cambrés.
- Mellor entidade deportiva.
- Mellor adestrador/a.
- Mellor deportista con diversidade funcional.
A maiores, o Concello entregará os seguintes galardóns: mellor deportista feminina, mellor deportista masculino, mellor campaña deportiva e tres premios para a distinción “Deporte a toda a vida Bernardo Bish”. Este último, en honra a Bernardo Bish, que foi técnico municipal durante numerosos anos e cuxo labor serviu para promover o deporte no municipio. Neste caso, será un xurado o que elixirá o gañador/a de cada categoría.