Vente de marcha

Dende  1999.

O programa Vente de Marcha está adicado ao senderismo e a coñecer fermosos lugares da nosa xeografía. Pero ten varios obxectivos moi importantes que sobrepasan o simple feito de andar e coñecer lugares:

– fomentar a vida saudable, practicando un deporte asequible e moderado e, ademais, non competitivo.

– propiciar o sentimento de veciñanza, favorecendo a vida social, pois é un punto de encontro entre os habitantes de Cambre

– incidir no respecto á natureza, profundizando os coñecementos dos entornos visitados

O programa Vente de marcha foi o primeiro programa de lecer do departamento. A primeira ruta (a ruta 0, en probas) celebrouse no mes de decembro de 1999, cun percorrido pola Costa da Morte (Cabo Vilán, Camariñas) e coa participación de membros de 2 asociacións xuvenís: Cumio da Rocha de Anceis e A Rama de Cambre. A ruta número 1 foi no ano 2000, e celebrouse no mes de febreiro e tivo como destino o mosteiro de Carboeiro e a fervenza do Toxa.

As rutas celébranse nos meses de febreiro a xuño e de setembro a novembro. Hai rutas en sábado, rutas en domingo e rutas de fin de semana.

Ata o de agora (2021) levamos celebradas 20 edicións e un total de 149 rutas.

HISTÓRICO DE RUTAS

Podes consultar as actividades previstas do Vente de marcha aquí