A Casa da Cultura Vila Concepción acolle unha nova exposición posta en marcha en colaboración con Afundación. Baixo o título ‘Berces de vida. De paseo polos bosques de España’, a mostra reúne fotografías de numerosos bosques de España, algúns deles de Galicia.
A mostra está comisariada polo gañador do Premio Nacional de Medio Ambiente, Joaquín Araújo. O obxectivo da mesma é promover entre as persoas visitantes unha mentalidade sostible e comprometida coa natureza.
A iniciativa está englobada dentro do programa Cultura por Alimentos de Afundación. Por tanto, as persoas que o desexen poderán facer as súas doazóns de alimentos non perecedoiros. Estes irán dirixidos á despensa municipal de Cambre.
A exposición poderá visitarse ata o 13 de maio na Casa da Cultura. O horario será de luns a venres de 10.00 a 14.00 horas e de 17.00 a 21.00 horas e os sábados de 10.00 a 14.00 horas.
