As obras de pintores profesionais e amateurs van da man en Vila Concepción. O Concello celebrou onte a súa segunda exposición do programa Historias detrás dun cadro, co que se ofrecerá mostras de pintura ata marzo de 2024. A inaugurada onte reúne o traballo dos seguientes autores: Carolina Moreno, María Pilar Meizoso, Verónica Grela, Purificación Sánchez, Juan Antonio Vázquez e Mercedes Berdullas.
As persoas que se achegaron á Casa da Cultura puideron gozar, non só dos propios cadros, senón tamén dunha charla cos pintores e pintoras na que se lles formularon preguntas. Trátase dunha dinámica coa que o concelleiro de Cultura, David Saborido, busca que os veciños e veciñas poidan coñecer “non só a obra, senón tamén a quen se atopa detrás dela”.
Esta segunda exposición poderá visitarse ata ol 4 de xaneiro. Cando conclúa, dará paso á seguinte e, así, sucesivamente ata marzo de 2024.
A dinámica de cada mostra será idéntica. Na xornada inaugural, o público asistente poderá ver as pinturas e tamén terá a posibilidade de coñecer aos artistas para saber que hai detrás de cada creación. En cada exposición haberá pezas feitas por profesionais e outras realizadas por artistas amateurs como, por exemplo, as do alumnado das clases de pintura das actividades socioculturales do Concello e as da Asociación de Santa María do Temple.
