A Policía Local denunciou, nos últimos días, a tres menores por realizar pintadas no parque Ramón Barba e na rúa Estanque do Temple. Os feitos producíronse o pasado venres, cando os axentes recibiron a chamada dun particular que informaba de que tres novos estaban a facer un grafiti na fachada dun edificio de rúa Estanque.

Ata alí desprazáronse dúas patrullas da Policía Local que identificaron a estas mozas grazas á descrición proporcionada polo particular. As menores foron localizadas no interior do parque Ramón Barba, onde foron pilladas in fraganti mentres pintaban un grafiti. Estas levaron a cabo en varias palmeiras do parque, nunhas escaleiras e na parede dun edificio.

As mozas, veciñas doutros municipios próximos, foron denunciadas por infrinxir a ordenanza de limpeza viaria e ornato público. Ao tratarse de menores de idade, foron entregadas aos seus titores legais, aos que se lles informou destes feitos.