O labor conxunto entre a Policía Local e a Garda Civil serviu para interceptar a un condutor que triplicaba a taxa máxima de alcol permitida en aire expirado. Os feitos tiveron lugar o mércores, ao redor das 9.15 horas, cando os axentes de ambos os corpos de seguridade interviñan nun accidente de tráfico no que un coche se saíra da vía.
Finalmente, os axentes practicáronlle unha proba de alcoholemia ao condutor que resultou positiva. Ao home, que triplicaba a taxa máxima, imputóuselle como presunto autor dun delito contra a seguridade viaria e foi tramitado no Xulgado como un xuízo rápido.
Ese mesmo día, ao redor das 22.30 horas, os axentes municipais interceptaron a outro condutor por circular co carné retirado. Neste caso, os axentes do corpo policial estaban a realizar tarefas de control na estrada cando interceptaron ao condutor dunha furgoneta. Ao ser identificado o condutor púidose saber que o seu permiso de circulación fora retirado. Por tanto, imputóuselle por un presunto delito contra a seguridade viaria e foi denunciado a través de xuízo rápido no Xulgado de Garda da Coruña.
O edil de Seguridade Cidadá, Daniel Mallo, agradece tanto o labor da Policía Local como da Garda Civil, “esencial para garantir a seguridade da veciñanza”.
