A Policía Local interceptou ao condutor dun vehículo que duplicaba a taxa máxima de alcol permitida en aire expirado. Os feitos ocorreron na madrugada do festivo, cando a patrulla nocturna que realizaba as tarefas de vixilancia sorprendeu a un vehículo que circulaba a gran velocidade pola zona do Paraugas do Temple. Ao darlle o alto, os axentes municipais sospeitaron que o home podía estar baixo os efectos de bebidas alcohólicas polo que decidiron sometelo a unha proba de alcoholemia. O test lanzou un resultado positivo, duplicando o condutor a taxa máxima permitida.

Finalmente, a Policía Local formulou unha denuncia administrativa, o que conleva, non só unha sanción económica, senón tamén unha perda de puntos no permiso de condución.

Denuncia administrativa

A noite do pasado sábado, a patrulla da Policía recibiu unha chamada dun particular que alertaba de que un mozo estaba a realizar grafitis na zona do Temple. Os axentes desprazáronse ata a zona e localizaron ao mozo, que levaba consigo varios sprays e ao que, finalmente, se lle interpuxo unha denuncia administrativa por incumprir a ordenanza de ornato de limpeza viaria e ornato público.