Desde o Concello de Cambre lembramos as principais obrigacións dos veciños e veciñas segundo a ordenanza de limpeza viaria e ornato público:
- Os residuos incluídos na recollida de lixo domiciliario depositaranse en envases resistentes, separando adecuadamente a materia orgánica da inorgánica e depositando os residuos nos colectores correspondentes.
- Está prohibido tirar á vía pública todo tipo de residuos.
- Está prohibido abandonar mobles na vía pública, polo menos que estean á espera de ser retirados polo servizo especial de recollida de aveños e voluminosos do Consorcio As Mariñas.
- O incumprimento destas normas pode conlevar unha sanción de entre 750 e 3.000 euros.
