O Concello acaba de resultar beneficiario dunha subvención de 23.595,41 euros por parte da Deputación da Coruña para a realización do próximo Cromático Mural Fest. Cambre convértese, xunto con Carballo, Oleiros, Ordes e Rianxo, nun dos cinco únicos municipios da provincia en acceder a esta liña para a organización de festivais de arte pública urbana. A nova convocatoria terá lugar entre o 24 e o 30 de xullo, e contará con artistas procedentes de Galicia, España e tamén doutros países.

O concelleiro de Deportes e Xuventude en funcións, Daniel Mallo, sinala que a axuda provincial, “permitirá seguir impulsando unha iniciativa que colleita grandes éxitos ano tras ao e que conta cunha grande aceptación entre a veciñanza do municipio”. O edil sinala a importancia do festival, co que se busca un dobre obxectivo: “por unha banda, a idea é embelecer con arte os lugares máis urbanos do municipio e, polo outro, seguir educando á mocidade dándolles un lenzo no que poder expresar toda a súa creatividade”.

Tras cinco edicións, o Cromático Mural Fest é xa un evento consolidado dentro do calendario de actividades de Cambre. Nos últimos anos, contou con multitude de muralistas de renome tanto do panorama autonómico como do nacional e internacional. No ano 2022, foron Mon Devane, Magda Cwik, Socatoba e Huariu os que encheron o municipio de cor. Dous desas creacións, as de Mon Devane e Huariu, foron seleccionadas como mellores do mundo segundo a plataforma mundial Street Art Cities.

Ao longo dos últimos anos, Alegría do Prado, Manolo Mesa, Nove Noel, Yoseba MP, Mr. Thoms, Zesar Bahamonde, Gri170, Sekone, Tope Rodriguez e Viviana Lucissano, Sokram, Nin9, Iria Fafián e Animalitoland deixaron tamén o seu sinal artístico en Ou Amorne, A Barcala e Cambre.