É unha actividade xa consolidada que se desenvolve como unha das estampas de Nadal máis tradicionais de Cambre. No espléndido entorno da eira do antigo mosteiro benedictino, os veciños caracterízanse e recrean, durante todo un día, os acontecementos máis significativos da natividade de Xesús.
O carteiro, os pastores, reis magos, as lavandeiras, os artesáns de todo tipo …, comparten espazo coa mula, cos cabalos ou coas pitas. Todo acompañado das principais delicias gastronómicas: filloas, orellas e cocido.
O Belén Vivente de Bribes está organizado pola Asociación O Cruceiro coa que colabora activamente o Concello de Cambre.
