Correspóndense coa construción de vivendas unifamiliares, pareados adosados en solos cualificados como non urbanizables interior a núcleo rural e rústicos.

Coa vista posta na próxima aprobación inicial do PXOM (Plan Xeral de Ordenación Municipal), o Concello acaba de incoar o procedemento para decretar a caducidade de 25 licenzas urbanísticas pendentes de execución desde hai máis de dúas décadas. O edil de Urbanismo e Obras, Juan González Leirós, lembra que, tal e como indica a Lei 2/2016 do Solo de Galicia, unha vez concedida unha licenza, o prazo máximo para o inicio das obras é de seis meses. Así mesmo, tal e como se reflicte nesta normativa, estes traballos teñen que estar concluídos nun período de dous anos. Tendo isto en conta e atendendo ao criterio técnico, “adóptase esta decisión para evitar operacións especulativas por parte de promotores que incumpiron os tempos esixigos pola lei e que demostraron non ter interese real na execución desa licenza”.

As licenzas correspóndense coa execución de vivendas unifamiliares, illadas, pareadas ou adosadas en solos cualificados, principalmente, como de núcleo rural e rústicos.

Trátase dunha decisión que o Concello adopta por seguridade xurídica e coa intención de “liquidar aquelas licenzas incumpridas que puideran limitar as previsións do PXOM”, explica o concelleiro. A maiores, ao estar fixado o número de licenzas máximo nos solos non urbanizables interiores a núcleo rural, a concesión destes permisos impide que outros veciños e veciñas poidan solicitar novas autorizacións.

O Concello está a realizar as notificacións pertinentes aos titulares, un trámite que se espera concluír nos próximos días. Unha vez reciban a notificación, os interesados terán un prazo de dez días para alegar e presentar os documentos que estimen oportunos de acordo coa lei.