Solicitude de preinscrición O Concello lanza, un ano máis, o seu programa de actividades de verán, co que busca promover hábitos de vida saudables entre os veciños e veciñas do municipio. A nova convocatoria incluirá clases de patinaxe, actividades nos parques biosaudables, tenis, campamento de actividades na natureza, cursos de equitación e de piragüismo. O concelleiro de Deportes e Xuventude, Daniel Mallo, explica que estas propostas perseguen un claro obxectivo: “queremos seguir promovendo a práctica deportiva e a adopción dun estilo de vida máis saudable entre a veciñanza”. A proposta deportiva de 2022 contará coas seguintes actividades:

• Patinaxe. Será na pista polideportiva de Pravio e ofreceranse dez prazas para nenos/ as nados entre o 2013 e o 2018. Clases os luns, mércores e venres de 19.00 a 20.00 horas.
• Actividades nos parques biosaudables para que os usuarios e usuarias destas instalacións aprendan a utilizar correctamente os diferentes apartados.

o O Temple: martes e xoves de 11.00 a 12.00 horas o Sigrás: martes e xoves de 9.30 a 10.30 horas o Cambre: martes e xoves de 11.00 a 12.00 horas o Andeiro: martes e xoves de 20.30 a 21.30 horas o Anceis: de luns a mércores de 20.00 a 21.00 horas o Pravio: martes e xoves de 20.00 a 21.00 horas o A Barcala: martes e xoves de 9.30 a 10.30 horas

• Tenis. Os cursos, dirixidos a maiores de 6 anos, realizaranse en dúas quendas ao longo do verán. O primeiro, no polideportivo da urbanización A Barcala o 1, 4, 5, 6, 7, 11, 12, 13, 14 e 15 de xullo de 11.30 a 12.30 horas. O segundo levará a cabo na pista de tenis municipal da urbanización Castros do Bosque os días 18, 19, 20, 21, 22, 26, 27, 28 e 29 de xullo de 12.00 a 13.00 horas.

• Campamento de actividades na natureza “Convive co mundo cabalar”. Haberá dúas quendas: o primeiro para os nados entre o 2014 e o 2018 que terá lugar o 2, 3, 4 e 5 de agosto (de 9.00 a 14.00 horas), e o segundo para os nenos nados entre do 2013 ao 2010 que se celebrará o 9, 10, 11 e 12 de agosto (de 9.00 a 14.00 horas). En total, ofreceranse 15 prazas.

• Cursos de equitación no Centro Pinteño. Ao longo do verán faranse dúas quendas dirixidas a nenos e nenas nacidos do 2004 ao 2014. O primeiro realizarase o 5, 6, 7, 8, 12, 13, 14 e 15 de xullo. A segunda quenda será os días 19, 20, 21, 22, 26, 27, 28 e 29 de xullo.

• Curso de piragüismo (para maiores de 9 anos). Organizaranse dúas quendas no mes de agosto, un na primeira quincena e outro na segunda. En ambos os casos o Club Náutico de Cambre será o espazo no que terán lugar as actividades.

O prazo de inscrición estará aberto desde o luns, 6 de xuño, ata o día 20 -ambos os incluídos-. As persoas interesadas poderán tramitar a súa solicitude na sede electrónica ou nos rexistros municipais (pedindo cita previa).