O Concello celebrou, esta mañá, un pleno no que tomou posesión Óscar Barrientos Morales como concelleiro da corporación municipal en Unión x Cambre. O edil xurou o cargo despois da dimisión de David López Saborido o 10 de setembro. A alcaldesa, María Pan, deulle a benvida a Barrientos Morales, confiando en que “realizará un magnífico labor ao fronte da área de Cultura, Deportes e Xuventude”. Na sesión saíu aprobada a modificación do acordo plenario adoptado o 30 de novembro de 2023 sobre a solicitude de cesión ao Concello de dous ramais da AC-12 (na zona do Graxal). Despois de que o Ministerio de Transportes y Movilidad Sostenible detectase un erro na superficie e na lonxitude dos tramos ao non contemplarse os terreos necesarios para a conservación e explotación destes. Tras emendar o erro, a superficie de cesión é de 11.872 m2. O punto saíu aprobado co voto favorable de Unión x Cambre, PP, PSOE, Alternativa dos Veciños e da concelleira non adscrita e coa abstención do BNG. Melloras en seguridade A corporación aprobou, por unanimidade, a moción presentada por Unión x Cambre para reclamar á Xunta de Galicia e á Deputación da Coruña a execución de beirarrúas peonís en varios puntos do termo municipal. No escrito pedíase, por unha banda, a construción de sendas en dúas vías autonómicas: unha na AC-214, desde o cruzamento de Catro Camiños (Pravio) cara ao lugar da Mota (Cecebre) e outra na AC-221, desde o cruzamento de Catro Camiños cara ao Apeadeiro de Cecebre. Tal e como se apuntaba na moción, estas actuacións foron trasladadas á Xunta de Galicia ata en catro ocasiones. A primeira vez foi en xuño do 2018, e a última en abril do 2024. Polo outro lado, a moción recollía a solicitude á Deputación da Coruña para crear sendas no km 3 da DP-1702, na contorna da glorieta da Rocha.