Desde o Departamento de Medio Ambiente do Concello de Cambre lémbrase que, en cumprimento do Real Decreto 637/2021, do 27 de xullo, cómpre rexistrar as explotacións avícolas existentes en tódolos concellos de Galicia.

Esta obriga esténdese tamén a aquelas explotacións (galiñeiros) que a veciñanza de Cambre teñan, aínda que estean dedicadas ao autoconsumo. Ademais de non comercializar coa carne ou os ovos, o número de aves (galiñas, polos, patos, gansos, pavos, pombas, pintas, faisáns, perdices ou paspallás) non debe ser superior a trinta (30). El impreso a cubrir es el MR501A.

O incumprimento desta medida pode dar lugar a sancións, ademais de que é necesario presentar o código que recibirán o presentar o trámite para mercar polos para repoñer no curral, acción que adoita realizarse nestas datas.

A Concellería de Medio Ambiente ponse a disposición da veciñanza para resolver dúbidas ou axudarlles coa tramitación, no teléfono 698 17 71 21 ou no correo electrónico medioambiente@cambre.org

No caso das explotacións que comercialicen os ovos ou a carne, ademais de cubrir o impreso específico MR501C, a mellor opción é contactar coa Xefatura Territorial de Medio Rural da Coruña.