Descubrindo Cambre

Como se subliña no título deste apartado, trátase de descubrir Cambre, as parroquias, os lugares, as xentes…, desde a perspectiva dos camiños, desde a perspectiva do coñecemento histórico e toponímico. Trátase de andar, de cuidar a saúde…, e ao mesmo tempo trátase de adquirir un coñecemento de casi todo aquilo que vai aparecendo diante dos nosos ollos: as propias vías, as estacións e as sinais. Toda esta información permitiranos coñecer a antigüidade dos nosos camiños, de saber que polo noso territorio e por eses mesmos camiños circularon homes e mercadurías,  os homes da prehistoria, os romanos, as xentes da Idade Media e da Idade Moderna…, ata a época contemporánea, coas modernas estradas asfaltadas que moitas veces se superpoñen como capas de cebola.

Trátase de saber que, aínda que non o pareza, o noso territorio non é natural: tanto para habitar como para cultivar, houbo que abrir camiños, canalizar augas, delimitar parcelas e mover terras e dicir, houbo que construir e alterar o relevo natural superpoñendo a un relevo artificial mais apto para edificacións e cultivos.

Esas edificacións van caracterizar os camiños a van dar pistas sobre os seus trazados: balados, muros, peches, igrexas, pazos, casas tradicionais, fontes, así como a toponimia e a microtoponimia que serán os auténticos fitos interpretadores dos traxectos que propoñemos. 

Así pois, ao transitar polos nosos milenarios camiños, tamén transitaremos pola vía do coñecemento, pois ese é tamén o auténtico camiño.