O esteiro que forma o río Mero na confluencia coa ría do Burgo mostra unha gran biodiversidade, acompañada dunha ocupación e explotación case perenne da zona: dende a Idade do Bronce, pasando pola romanización e a Idade Media ate os nosos días. As beiras da ría poden ser percorridas na súa totalidade por un agradable paseo dende o que se poden observar os diversos exemplares de fauna e flora mariñas. Dende a antigüidade, a ría do Burgo proporcionou aos habitantes da comarca unha gran cantidade de riqueza marisqueira, ou ligada á pesca.
